20 Цәыббра 2021

АЖӘАБЖЬҚӘА

Аҟәа. Нанҳәамза 24, 2021 шықәса. Аԥсныпресс. Урыстәыла атәылахьчара Аминистрра иатәу Алада Урыстәылатәи Арратә Округ Амшынеиқәатә Флот арадиациатә, ахимиатә, абиологиатә хьчара архәҭақәа рыспециалистцәа ареспублика ауааԥсыра рсанитар-епидемиологиатә ҭагылазаашьа аҭышәынтәалара аҳәаақәа ирҭагӡаны, Гәдоуҭа ақалақь аҿы 120 нызықь квадраттә метр инарзынаԥшуа, Гагра ақалақь аҿы  40 нызықь квадраттә метр инарзынаԥшуа асоциалтә инфраструктура иаҵанакуа аобиектқәа рырзҩыдатәра мҩаԥыргеит.

Шьыжьы инаркны Урыстәылатәи Афедерациа Амшынеиқәатә флот арратә корпус арадиациатә, ахимиатә, абиологиатә хьчара еизаку аотриад аруаа араион Ахадара, араионтә хәышәтәырҭа, араионтә поликлиника, аҩныҵҟатәи аусқәа араионтә ҟәша, аџьармыкьа Хадеи, иара убас Гәдоуҭатәи аспорттә школи  ахыбрақәа рхаҿратә ханқәеи уи аҵакырақәеи  арзҩыдатәра  иазку аусмҩаԥгатәқәа мҩаԥыргеит.   Гагр ақалақь аҿы  - араион Ахадареи аџьармыкьа Хадеи рхыбрақәа.

Аҟәа. Нанҳәамза 24, 2021 шықәса. Аԥсныпресс. Аӡбаҩ  Милана Џьынџьалԥҳа лхантәаҩрала Аҟәатәи ақалақьтә ӡбарҭа игәҩароу Аркади Бжьаниа  иҭакра азы аҳәынҭқарратә харадҵаҩ иҟынтәи иҟаҵаз аҳәара адгылара анаҭеит, ҳәа адырра ҟанаҵоит Аҟәатәи аӡбарҭа аофициалтә саит.

Заанаҵтәи аусеилыргара аусбарҭақәа рыла Аркади Бжьаниа Аԥсны Аҳәынҭқарра  ашьаустә Закәанеидкыла ахәҭаҷ  99 ахәҭа 1 , ахәҭаҷ 217 ахәҭа  1 инарықәыршәаны, цәыббрамза 3, 2019 шықәсазы Аҟәа ақалақь аҿы иҟалаз Омари Шьакаиа ишьра афакт ала дыгәҩароуп. 

Цәыббрамза 5, 2019 шықәса рзы ауаҩшьразы игәҩароу  Аркади Бжьаниа Аԥсны Аҳәынҭқарра иахьаҵанакуа иԥшаара рылаҳәан.  

Аҟәатәи ақалақьтә ӡбарҭа аӡбамҭа инақәыршәаны, ауаҩшьразы игәҩароу Аркади Бжьаниа инагӡаны иусеилыргараанӡа ахьырхәра аҳасабала цәыббрамза  20, 2021 шықәсанӡа аҭакра иқәҵоуп.

 

 

Аҟәа. Нанҳәамза 24, 2021 шықәса. Аԥсныпресс. Нанҳәамза 11, 2021 шықәса рзы ашьаусеилыргаратә усқәа рзы Иреиҳаӡоу аӡбарҭа аӡбаҩ Кәарҷиа Р.В. ихантәаҩрала, аӡбаҩцәа Гамсаниа  Г.Г, Цушба М.С. зеилазаараҿы иҟоу Аԥсны Иреиҳаӡоу аӡбарҭа акассациатә коллегиа адукат Ҵәыџьа М.Б. Урыстәылатәи Афедерациа атәылауаа ҩыџьа - Клемантович С.П., Скареднова О.С..  рԥаареи, анаҩс урҭ гәҭакыла рышьреи  рзы жьҭаарамза 28, 2016 шықәса рзы Аԥсны Иреиҳаӡоу аӡбарҭа ала зус ӡбаз Ҵәыџьба Аслан Шьықәыр-иԥа иинтересқәа рыхьчара азы иалалгалаз акассациатә шшабӷьыц иахәаԥшит.

Иарбоу ацәгьоура   цәыббрамза  11, 2012 шықәсазы гәыԥҩык ауаа, ахәҭакахьала инҭкааны иуҳәозар, Аԥсны Жәлар Реизара-Апарламент ԥыхьатәи адепутат Кәыҵниа Н.Иу., Ҵәыџьба А.Ш., Бигәаа Д.Ф., Хмаил Р.Н., Гоԥиа А.Ш. заанаҵтәи рцәыҵеицәажәарала инагӡан.  Абри атәы аанацҳауеит Аԥсны Аҳәынҭқарра Апрокуратура Хада аофициалтә саит.

Аҟәа. Нанҳәамза 24, 2021 шықәса. Аԥсныпресс. Иҿыцу акоронавирустә ҿкы чымазара COVID-19 ашьҭахь згәы бзиахаз актәи апациент Аҟәа ақалақь аҿы аус зуа афункциа рацәа назыгӡо арратә хәышәтәырҭа аҟынтәи дылырҩааит, ҳәа иаанацҳауеит Алада Урыстәылатәи Арратә Округ апресс-маҵзура.  

Апациент ихымԥадатәиу ахәышәтәратә курс дахысит, уи ашьҭахь ачымазара алаҽра азы еиҭамҩаԥгаз алабораториатә комплекстә ҭҵаарақәа апациент ачымазара илаҽӡам ҳәа иаадырԥшит. Иара убас апациент ахәышәтәра мҩаԥызгоз аҳақьым иҟынтәи анаҩстәи абжьгарақәа иоуит. 

Аладатәи арратә Округ амедицинатә специалистцәа астационартә хәышәтәра аҳасабала ахәышәтәырҭа аҿы ирыдыркылахьеит 40-ҩык апациентцәа.  Ачымазцәа ареспублика араионқәа зегьы рҟынтәи арахь иааргоит ирласу амедицинатә цхырааразы амашьынақәа рыла. Ашьҭаҵареи анаҩстәи ахәышәтәреи рзы аӡбамҭа адкылара ачымазаҩ инхарҭаҭыԥ иааҵанакуа аҳақьымцәа рақәыршаҳаҭрала имҩаԥысуеит. 

Аҟәа. Нанҳәамза 23, 2021 шықәса. Аԥсныпресс.  Алада Урыстәылатәи Арратә Округ аҳақьымцәа абар шьҭа хәымш ирылагӡаны уахи-ҽни инеиԥынкыланы Аҟәа ақалақь аҿы аус зуа арратә мобилтә хәышәтәырҭа аҿы  апациентцәа рыдкылареи ахәышәтәра-диагностикатә  усмҩаԥгатәқәеи мҩаԥыргоит.

Уажәы ахәышәтәырҭа аҿы рҽырхәышәтәуеит акоронавирустә ҿкы чымазара COVID-19 азы здиагноз шьақәырӷәӷәоу  42 –ҩык апациентцәа. Ачымазцәа ареспублика араионқәа зегьы рҟынтәи арахь иааргоит ирласу амедицинатә цхырааразы амашьынақәа рыла. Ашьҭаҵареи анаҩстәи ахәышәтәреи рзы аӡбамҭа адкылара ачымазаҩ инхарҭаҭыԥ иааҵанакуа аҳақьымцәа рақәыршаҳаҭрала имҩаԥысуеит. 

Аҟәа. Нанҳәамза 23, 2021 шықәса. Аԥсныпресс.  Аԥсны иҷыдоу аҭагылазаашьақәа рзы Аминистрра иатәу шәагаала имаҷу аӷбақәа рзы аҳәынҭқарратә Инспекциа аӡиа Риҵа ахь аинспекциатә ҭаара мҩаԥнагеит, ҳәа адырра ҟанаҵоит Аԥсны аиқәырхаратә Хылаԥшырҭа Хада аофициалтә саит.

Аиқәырхаҩцәа Сталин идача аганахьала аӡиас аҟәараҿы зинда аӡҭаларҭа еиҿкаауп ҳәа ироуз адырра агәаҭара хықәкыс иҟаҵаны ари аусмҩаԥгатә еиҿыркааит. Аҭаара иалагӡаны иарбоу афакт шьақәзырӷәӷәоз ҳәа акагьы алкаамхеит. Риҵатәи амилаҭтә реликтә парк иахьҵанакуа аӡҭалареи аҽыкәабареи шыҟамло, насгьы иарбоу аԥҟара еилазго ахараԥса  шрықәҵахо азы адырра зну астендқәа шьақәыргылоуп.  

Аҟәа. Нанҳәамза 23, 2021 шықәса. Аԥсныпресс. Нанҳәамза 22 рзы Нижни Новгород 800- шықәса ахыҵра иазку аныҳәатә усмҩаԥгатәқәа рылахәхаразы иааз Аԥсны Аҳәынҭқарра аофициалтә делегациа Нижегородтәи аобласт агубернатор ихаҭыԥуаҩ Андреи Саносиан иԥылеит.

Аԥсны Аҳәынҭқарра Ахада Иусбарҭа анапхгаҩы Алхас Кәыҵниа Аҳәынҭқарра Ахада Аслан Бжьаниа ихьӡала ақалақь 800- шықәса ахыҵра иазкны иааишьҭыз адныҳәаларатә шәҟәы ииркит.

Аԥснытәи аделегациа аԥсшәа раҳәо, Андреи Саносиан иҳәеит: «Сынтәа Аԥсны Аҳәынҭқарреи Нижегородтәи аобласти рыбжьара апартниортә еимадара рыбжьарҵеижьҭеи 10 – шықәса ҵуеит. Ҳара ҳрегион иашәҭо ахшыҩзышьҭреи, иара убас 800-шықәсатәи ҳиубилеи азгәаҭара иазку аныҳәатә усмҩаԥгатәқәа шәазхьҽалашәырхәызи азы иҭабуп ҳәа шәаҳҳәоит». Алхас Кәыҵниа Нижегородтәи аобласть анапхгараҭара иҟанаҵаз адкылара бзиаӡа азы иҭабуп ҳәа иҳәеит. Уи еиуеиԥшым аусхкқәа рыла аусеицура аҿиара иаҵоу аҵакы ахадара инаҵшьны иазгәеиҭеит. «Ҳара уи аҳәаақәа рырҭбаареи арҿиареи рзы агәҭакқәа ҳамоуп»,- ҳәа иҳәеит Алхас Кәыҵниа. Аиԥылара аҿы Нижегородтәи аобласти Аԥсны Аҳәынҭқарреи рыбжьара аусеицура иадҳәалоу азҵаарақәа жәпакы ирылацәажәеит.

Аҟәа. Нанҳәамза 23, 2021 шықәса. Аԥсныпресс. 2021 шықәсазтәи Арратә хәмаррақәа рконкурс «Ельбрустәи амацәаз» жәларбжьаратәи аетап алахәхаразы Ельбрус азааигәатәи ашьхара аԥсеиқәхаразы аҽазыҟаҵаратә Центр «Терскол» аҿы Аԥснытәи аруаа иреиӷьу ашьхаҳаракыратә ҟәшеиҵа ахьӡ аиуразы «Ацаҟьахалара» азы адҵақәа нарыгӡеит, ҳәа адырра ҟанаҵоит Алада Урыстәылатәи Арратә Округ апресс-маҵзура.

Аҟәа. Нанҳәамза 23, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Урыстәылатәи Афедерациа Аиҳабыра Ахантәаҩы ихаҭыԥуаҩ А.В. Новак Иира Амш идиныҳәалеит.

«Ҳаҭыр зқәу Алеқсандр Валентин-иԤа!

Ишәыдышәкыл шәиубилеи инамаданы гәык-ԥсыкала иҟаҳҵо адныҳәалара.

Аҟәа. Нанҳәамза 21, 2021 шықәса. Аԥсныпресс. Аԥсны амедицинатә усбарҭақәа ирласу амедицинатә цхыраара азы иҷыдоу автомашьына ҿыцқәа хәба роураны иҟоуп, ҳәа адырра ҟаиҵеит атәыла агәабзиарахьчара аминистр Едуард Быҭба.

Аԥсны Аҳәынҭқарра Ахада иҟаиҵаз адҵа ала, Адыгеиа ԥыхьатәи Ахада, амеценат Ҳазреҭ Совмен Аԥсны иазоуижьыз аԥаратә хархәагақәа рыла иаахәоуп ирццаку амедицинатә цхыраара азы иҷыдоу автомашьынақәа ҩба.

"Амашьынақәа аахәоуп, уажәы урҭ акомплектациа иахысуеит. 10-мыш ирхымгакәа урҭ Аԥсныҟа иаагахоит», - ҳәа иҳәеит атәыла агәабзиарахьчара аминистр.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me