20 Цәыббра 2021

АЖӘАБЖЬҚӘА

Аҟәа. нанҳәа 7, 2021. Аԥсныпресс. Аҳәынҭқарра Ахада Аслан Бжьаниа дрыдышшылеит зыҧсҭазаара иалҵыз “Ахьӡ-аҧша” аорден занашьоу, Аҧсны зҽаҧсазтәыз ажурналист, Аҳәынҭқарратә телерадиоеилахәыра адиректор хада ихаҭыҧуаҩ Оҭар Лакрба иҭынхацәа.

Аҟәа. Ԥхынгәымза 3, 2021 шықәса. Аԥсныпресс.  Ԥхынгәымза, 2021 шықәсазы  128,7 млн. мааҭ рыла ишьақәырӷәӷәоу аплан ала аҳазылхратә усбарҭақәа рыла ашәатәқәа раҳасабала иалагалахеит  247,2 млн. мааҭ.  Аплантә рбага ԥхынгәымза азы 192% рыла инагӡахеит. 2021 шықәса бжьымз ирылагӡаны аҳазылхратә лагалақәа реицҵалыҵ 1 млрд 430  млн. мааҭ рҟынӡа инаӡеит. Ҳазҭоу ашықәс бжьымз рыла аплантә рбага 134% рыла инагӡахеит. Иҳаҩсыз 2020 – тәи ашықәс азы аиԥшзеиԥшу аамҭхәҭа иаҿырԥшны уахәаԥшуазар, ҳазҭоу ашықәс азы ашәатәқәа рхыԥхьаӡалара арбагақәа  492  млн. мааҭ рыла еиҳахеит, уи 2019 шықәсазтәи арбагақәа ирҿырԥшны уахәаԥшуазар -  448 млн. мааҭ рыла еиҳахеит. 

Аҟәа. Ԥхынгәымза 3, 2021 шықәса. Аԥсныпресс.  Аԥсны аԥыза-министр Алеқсандр Анқәаб аԥыза-министр ихаҭыԥуаҩ, аекономика аминистр Кристина Озган дидикылеит. Уи атәыла Анапхгара Ахада атәыла абылтәы аџьармыкьа аҿы иҟоу аҭагылазаашьа азы адырра илҭеит. Ашықәс алагара инаркны 12 % инарзынаԥшуа аизҳара ыҟоуп. «Иҳаҩсыз ашықәс ԥхынҷкәынмза  инаркны абылтәы аагаразы ахәԥсатә рбагақәа акыр реизҳара ҟалеит. Ԥхынгәымзазы аагарақәа рыхәԥса акыр аҽаԥсахит, нанҳәамзатәи ахәԥсақәагьы акыр аҽаԥсаххьеит. Иарбоу амзақәа рзы аужьратә хәыԥса аахәаратә хәыԥса аасҭа еиҵоуп. Арҭ афакторқәа зегьы атәыла аҿы абылтәы азымхара цәырнагар алшоит»,- ҳәа илҳәеит лара.  

Аҟәа. Ԥхынгәымза 3, 2021 шықәса. Аԥсныпресс. Аԥсны аҩныҵҟатәи аусқәа Рминистрра ауаажәларратә крыфара аобиектқәа, цырала аҭира азы адәқьанқәа, иара убас асасааирҭақәеи аотелқәеи аковидҿагыларатә уснагӡатәқәа рымҩаԥгара аганахьала ргәаҭара мҩаԥнагоит, ҳәа иаанацҳауеит аҩныҵҟатәи аусқәа Рминистрра апресс-маҵзура.

Аҩныҵҟатәи аусқәа Рминистрра аусзуҩцәа ауааԥсыра массала изҭауа аҭыԥқәа:  ауаажәларратә транспортқәа, ауаажәларратә крыфарҭақәа, ахәаахәҭратә обиектқәа, анаплакқәа, уҳәа рҿы аковидҿагыларатә уснагӡатәқәа рымҩаԥгара шымҩаԥысуа азы мҽхакы ҭбаала агәаҭарақәа мҩаԥыргоит. Агәаҭарақәа мҩаԥыргоит иара убас аԥсшьараҩнқәеи асасааирҭақәеи рҿы. Агәаҭарақәа мҩаԥызго рхыԥхьаӡараҿы иҟоуп иара убас аҭыԥантәи ахадарақәа рхаҭарнакцәеи араионтә санитартә епидемиологиатә Станциа аусзуҩцәеи. Урҭ Аҳәынҭқарра Ахада «Аԥсны ауааԥсыра акоронавирустә ҿкы чымазара рацәыхьчара азы ауснагӡатәқәа рзы» иҭижьыз Ақәҵара анагӡара шымҩаԥысуа гәарҭоит. 

Аҟәа. Ԥхынгәымза 28, 2021 шықәса. Аԥсныпресс.  Ԥхынгәымза 27 рзы аԥыза-министр ихаҭыԥуаҩ, аекономика аминистр Кристина Озган Аминистрра аколлективи аминистр ихаҭыԥуаҩ ҿыц  Емма Голеузовеи реибадырра мҩаԥылгеит, ҳәа иаанацҳауеит аекономика Аминистрра аофициалтә саит.

Уи аԥхьа, ԥхынгәымза 22 рзы уи азы Ақәҵара инапы аҵаиҩит атәыла аԥыза-министр Алеқсандр Анқәаб. 

Аҟәа.  Ԥхынгәымза 28, 2021 шықәса.  Аԥсныпресс. Аҩаша, ԥхынгәымза   27 рзы Урыстәылатәи Афедерациа аҵара Аминистрра аҿы Аԥсни Аахыҵ Уаԥстәылеи азеиԥшҵараиуратә программақәа рынагӡареи аҵара-методикатә еиқәыршәареи рзы Урыстәылатәи Афедерациа аҵара аминистр ихаҭыԥуаҩ Андреи Корнеев ихантәаҩрала Аԥсни Аахыҵ Уаԥстәылеи арҵагашәҟәқәа рыла реиқәыршәара азҵаара ала аусуратә еилатәара  мҩаԥысит, ҳәа иаанацҳауеит Урыстәылатәи Афедерациа аҵара Аминистрра аофициалтә саит.

Аҟәа. Ԥхынгәымза 28, 2021 шықәса. Аԥсныпресс. Аҟәа ақалақь ахада Беслан Ешба ԥхынгәымза 26- 27 ауха ақәыршҩы ашьҭахь иҟалаз аӡхыҵрақәа ирыхҟьаны ааха зауз ауааи аҭыԥқәеи дырҭааны игәеиҭеит. Аҳҭнықалақь ахада аӡиас Басла ааигәа-сигәа иҟоу, аӡы зыҩналаз аҩнқәа дырҭааит, ауааԥсыра дрыҿцәажәеит.  Уи иара убас ихыжәжәаз аҵла амахәқәеи ахаҳә-мҿыхәи агәам-сами рыла еилажьу амшын агаҿа аҿы днеины иҟоу аҭагылазаашьагьы гәеиҭеит.

Аҟәа. Ԥхынгәымза 28, 2021 шықәса.. Аԥсныпресс. Ареспублика Ҭаҭарсҭан аҳҭнықалақь Казань аҿы имҩаԥысуеит ХII  Жәларбжьаратәи аекономикатә саммит «Урыстәыла – Аԥсылмантәи адунеи: KazanSummit 2021».  Уи Ареспублика Ҭаҭарсҭан Ахада хаҭала иҟаиҵаз ааԥхьарала рхы аладырхәуеит аԥснытәи аҳәынҭқарратә маҵурауаа. Урҭ рхыԥхьаӡараҿы иҟоуп Аԥсны адәныҟатәи аусқәа рминистр Даур Ақаҩбеи атуризм аминистр Ҭеимураз Хышбеи. Абри азы Аԥсныпресс ахь адырра ҟаиҵеит Ҭеимураз Хышба.

Аҟәа. ԥхынгәы 23. Аԥсныпресс.  Адныҳәалара атекст аҟны иҳәоуп:

«Акыр иаԥсоу ҳауаажәлар!

Гәык-ԥсыкала ишәыдысныҳәалоит  Аԥсны Аҳәынҭқарратә бираҟ амш! 

Аҟәа. Ԥхынгәы 20, 2021. Аԥсныпресс.Ахада Аԥсны иқәынхо аԥсылманцәа, ҳџьынџьуаа Кәырбан-Баирам рыдиныҳәалеит.

«Аԥсны иқәынхо аԥсылманцәа зегьы гәык-ԥсыкала ишәыдысныҳәалоит иахьатәи аныҳәа ду - Кәырбан-Баирам.

Кәырбан-Баирам ахаџьра, аԥшьаҭыԥқәа рышҟа аныҟәара ахыркәшара иазҳәоуп, ауаа ракра, аҵас бзиақәа рырӷәӷәара, аибачҳара, аицхыраара иазкуп.

Дарбанзаалак анцәахаҵара ныҟәызго абри аҽны анцәа диҳәоит, ари аныҳәа ԥшьа даԥылоит ҭаацәашәала, иуа, иҭынха рыҩныҵҟа, иара убас ацхыраара зҭаху зегьы ацхыраара рыҭара аҭахны иԥхьаӡоит.

Аԥсны Аҳәынҭқарраҟны иҟоу аԥсылман уаажәларра агәыҳалалратә усура ду мҩаԥнагоит, ҳтәыла асоциалтә, аҵараиуратә, арккаратә аԥшьгарақәа рынагӡара хшыҩзышьҭра анаҭоит.  

Ареспубликаҟны коронавирустә ҿкы чымазара COVID-19 алаҵәара ианалага, ҳџьынџьуаа-аԥсылманцәа аиашьаратә цхыраара ду ҟарҵеит хыԥхьаӡара рацәала ахәшәқәа, хаҭалатәи ахыхьчагатә хархәагақәа рыла.  

Ас еиԥш ацхыраара аҳәынҭқарратәи ауаажәларратәи еиҿкаарақәа русеицура, амилаҭбжьаратә, адинбжьаратә еизыҟазаашьақәа рыҿиара иацхраауеит, иара убас адинтә еинымшәареи аекстремизми ирҿагылоит.  

Аԥсны аԥсылманцәа, иара убас аԥсылман тәылақәа рыҟнеиԥш, иахьакәзаалак адунеи иқәынхо ҳџьынџьуаа зегьы ирзеиӷьасшьоит агәабзиара, ахирра, аныҳәа лаша алԥха!

 

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me