АЖӘАБЖЬҚӘА

Аҟәа. Жьҭаарамза 15, 2021 шықәса. Аԥсныпресс.  Жьҭаарамза 15, ашьжьымҭан, 9 сааҭи 20 минуҭи рзы Аԥсны Иҷыдоу аҭагылазаашьақәа рзы Аминистрра аԥыԥшырҭатә ҭыԥхада ахь Егрытәи Аӡфымцатә станциа аҩбатәи аӡылбааҽҽатә станциа еиҭашьақәзыргыло аусзуҩцәа аӡыканал аҿы аӡы иагоз ауаҩы дырбеит ҳәа адырра ҟалеит.

Ахҭыс ахьыҟалаз ахь зыԥшра ҟамҵакәа идәықәҵан Аԥсны иҷыдоу аҭагылазаашьақәа рзы Аминистрра иатәу шәагаала имаҷу аӷбақәа рзы аҳәынҭқарратә Инпекциа аусзуҩцәеи, иара убас Очамчыреи Гали рҟынтәи аԥсеиқәырхаҩцәа.

Аҟәа. Жьҭаарамза 15, 2021 шықәса. Аԥсныпресс. Аԥыза-министр Алеқсандр Анқәаб ихантәаҩрала, Аԥсны агәабзиарахьчара аминистр Едуард Быҭәба, аҵарадырреи абызшәатә политикеи рминистр Инал Габлиа, Аҟәа ақалақь ахада Баслан Ешба, асанитартә ҳақьым хада ихаҭыԥуаҩ Асҭана Аҩӡба алархәны имҩаԥгаз  аусуратә еилатәара аихшьаалақәа рыла ареспублика ашколқәа рҿы аҵаратә процесс ацҵара азы аӡбамҭа рыдыркылеит.

Ашколқәа рҿы аусура арежим аԥсахра азы аӡбамҭақәа рыдыркылалоит аҭыԥқәа аепидемиологиатә ҭагылазаашьа ҳасаб азуны.  Уи иаанаго иааизакны ашкол аҿы, мамзаргьы хазы игоу аклассқәа рҿы акарантин алагалара ауп.

Аҟәа. Жьҭарамза 15, 2021 шықәса. Аԥсныпресс. Аԥсны ауааԥсыра акоронавирустә ҿкы чымазара рацәыхьчара азы Акоординациатә штаб нанҳәамза  12 рзы Аҳәынҭқарра Ахада Иусԥҟа инақәыршәаны иалагалоу аԥкратә уснагӡатәқәа аринахысгьы рынгӡара азы аԥшьгара ҟанаҵоит. Абри азы Аԥсны ауааԥсыра акоронавирустә ҿкы чымазара COVID-19 рацәыхьчара азы Акоординациатә Штаб аилатәара аҿы иҳәеит атәыла аԥыза-министр Алеқсандр Анқәаб.

«Иахьатәи ҳаилатәара шьаҭас иҟаҵаны даҽазнык ҳтәылауаа рахь ааԥхьара ҟаҳҵоит: аковид аҿагыларазы адисциплинеи авакцинациеи ральтернатива ыҟаӡам. Иҟоу аҭагылазаашьа ахшыҩзышьҭра арҭарц, рхы рыхьчарц, рхәыҷқәеи рыуацәеи рҭахцәеи иреиҷаҳарц азы аҳәара ҟаҳҵоит», - ҳәа иҳәеит Алеқсандр Анқәаб.  

Аԥыза-министр азеиԥш крыфарҭақәа рнапхгаҩцәа аԥкрақәа рынагӡара ахымԥадатәра  ҷыдала ахшыҩзышьҭра арҭарц азы абжьгарақәа риҭеит.

Алеқсандр Анқәаб ақалақьқәа, араионқәа, ақыҭақәа рхадацәа рыла ауааԥсыра рыҩныҵҟа амассатә агәырӷьаратәи алахьеиқәҵаратәи аусмҩаԥгатәқәа рымҩаԥгара шыҟамло азы аилыркааратә усура анагӡара шхымԥадатәиу азгәеиҭеит. Алеқсандр Анқәаб ауааԥсыра алаҵа аҟаҵара радцалара атемагьы шьҭихит.

Аҟәа. Жьҭаарамза 15, 2021 шықәса. Аԥсныпресс. Аԥсны иҟоу аурыс еицтәылауаа реиҿкаара акоординациатә Еидгыла Ахантәаҩы Олег Иурченкои уи ихаҭыԥуаҩ Елена Жилинскаеи аҳәаанырцә инхо VII Адунеизегьтәи рконгресс рхы аладырхәуеит.

Зынӡа ари аусмҩаԥгатә рхы аладырхәуеит  адунеи зегьы аҟынтәи 100-тәылак инареиҳаны ахаҭарнакцәа.

«Ари Аконгресс даара ахаҭарнакратә ҟазшьа змоу усмҩаԥгатәуп. Уи ааиртит Сергеи Лавров. Аинформациа, аԥышәа, аидеиақәа рыла аимдара мҩаԥысуеит.

Аҟәа. Жьҭаарамза 15, 2021 шықәса. Аԥсныпресс. Гагра ақалақь аӡымҽхак иахьаҵанакуа аӡы иагаз ҩыџьа ауаа рхаҭара шьақәыргылахеит.  Урҭ Липецк ақалақь инхоз, 1957 шықәса рзы ииз Золотариов Иури Михаил-иԥеи  1953 шықәса рзы ииз Стоиакина Галина Николаи-иԥҳаи роуп, - ҳәа адырра ҟанаҵоит Аԥсны иҷыдоу аҭагылазаашьақәа рзы Аминистрра апресс-маҵзура.

Аҟәа. Жьҭаарамза 15, 2021 шықәса. Аԥсныпресс. 63 аппарат рымхра мҩаԥган.   Абри азы Аԥсуа телерадиоеилахәыра аҿы имҩаԥгаз апресс-конференциа аҿы адырра ҟаиҵеит Аҳәынҭқарратә ҳазылхратә Еилакы ахантәаҩы Оҭар Хьециа.

«Административтә ԥкаанҵақәа еиқәыршәоуп, аматериалқәа рыҭҵаара мҩаԥысуеит», - ҳәа иҳәеит аҳәынҭқарратә ҳазылхратә Еилакы ахантәаҩы.

Уи иҟаиҵаз адыррақәа рыла, 2016 шықәса инаркны Аԥсныҟа официалла иааган  амаининг азы 66 857 аппарат, иалганы иган – 27 124 цыра, даҽакала иуҳәозар 40% инарзынаԥшуа.

Оҭар Хьециа Аҳәынҭқарратә ҳазылхратә Еилакы атехникатә еиқәыршәара азҵаара ҷыдала дазааҭгылеит.

Аҟәа. Жьҭаарамза 15, 2021 шықәса. Аԥсныпресс. Аҟәа ақалақь аҿы аԥыза-министр Алеқсандр Анқәаб ихантәаҩрала Аԥсны ауааԥсыра акоронавирустә ҿкы чымазара COVID-19 рацәыхьчара азы Акоординациатә Штаб аилатәара мҩаԥысуеит.

“Аҭагылазаашьа ԥыҭк аҭышәынтәалара ашьҭахь, ҳара ҩаԥхьа ачымазара злаҽыз рхыԥхьаӡара аиҳахара аабоит.  Аҭагылазаашьа агәҭынчымра узцәырнамгар залшом, убри инамаданы ҳара ҳаизеит иахьа», - ҳәа Акоординациатә Штаб аилатәара аартуа иҳәеит Алеқсандр Анқәаб.

Атәыла агәабзиарахьчара аминистр Едуард Быҭәба асанитар-епидемиологиатә ҭагылазаашьа аицәахара ирҵабыргит.

«Ареспублика аҿы акоронавирустә ҿкы чымазара алаҵәара инамаданы ишьақәгылаз аҭагылазаашьа есааира еицәахоит, уахыки-ҽнаки рыла иҳауо адыррақәа инарықәыршәны, ачымазара злаҽуа ауаа рхыԥхьаӡара еиҳахоит, жьҭаарамза 12 рзы уахыки ҽнаки рыла ачымазара злаҽыз рхыԥхьаӡара ала антирекорд ықәыргылоуп. Уи  - 235-ҩык рҟынӡа инаӡоит. Акоронавирустә ҿкы чымазара злаҽыз ауаа рҟынтәи 85-90% аштамм «Дельта» рылаҽуп»,-ҳәа инаҵшьны иазгәеиҭеит иара.

Аҟәа. Жьҭаарамза 15, 2021 шықәса. Аԥсныпресс.  Иахьа, Аԥсны Аҳәынҭқарра Ахада Аслан Бжьаниа Москваҟа иусуратә ныҟәара аҳәаақәа иҭагӡаны Урыстәылатәи Афедерациа афинансқәа рминистр Антон Силуанов диԥылеит.

Аслан Бжьаниеи Антон Силуанови ирылацәажәеит 2022-2025ш.ш.рзы Аԥсни Урыстәылеи рыбжьара иазԥхьагәаҭоу асоциалтә-економикатә ҿиареи афинанстә усеицуреи ирызку азҵаатәқәа.

Аҟәа. Жьҭаарамза 14, 2021 шықәса. Аԥсныпресс. «Аиааира 75-шықәса ахыҵра» ҳәа хыс измоу Аԥсны Аҳәынҭқарра Амилаҭтә гәаларшәагатә ԥараҿырпы XV аԥараҿырпқәа жәларбжьаратәи аконкурс  «Аԥараҿырпы еҵәаџьаа»  аҿы «Иреиӷьу асахьаркыратә ӡбамҭа» аноминациа ала аҩбатәи аҭыԥ ааннакылеит.

«Аԥараҿырпы еҵәаџьаа» – ари Урыстәыла имҩаԥысуа жәларбжьаратәи агәаларшәагатә ԥараҿырпқәа  рконкурс ауп.  Шықәсырацәатәи аҭоурых иалагӡаны уи адунеи аҿы зегьы реиҳа зыхьӡ нагоу акакәны иҟалеит. Аконкурс аиҿкааҩ – Аҭыжьратә ҩны «Уотер Марк» ауп.

2021 шықәсазы имҩаԥысуа «Аԥараҿырпы еҵәаџьаа» алахәылацәа рхыԥхьаӡараҿы иҟоуп: ART MINT (Франциа), Венгертәи аԥараҿырԥыҟаҵарҭа, Италиатәи аԥараҿырпыҟаҵарҭа,  Австриа  Акралтә ԥараҿырпыҟаҵарҭа, Нидерландтәи Акралтә ԥараҿырпыҟаҵарҭа, Польшатәи  аԥараҿырпыҟаҵарҭа,  Парижтәи аԥараҿырпыҟаҵарҭа, Литватәи аԥараҿырпыҟаҵарҭа,   Бельгиатәи аԥараҿырпыҟаҵарҭа,  иара убас Канада Акралтә ԥараҿырпыҟаҵарҭа, Швеицариа Афедералтә ԥараҿырпыҟаҵарҭа, Алада-Африкатәи ԥараҿырпыҟаҵарҭа;Урыстәылатәи Афедерациа Абнк Хада, Латвиа Абанк, Изриль Абанк, Польша Абанк, Аԥсны Аҳәынҭқарра Амилаҭтә Банк, Венгриа Абанк Хада, уҳәа убас егьырҭгьы.

Аҟәа. Жьҭаарамза 14, 2021 шықәса. Аԥсныпресс.  Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 648-ҩык, COVID-19 азы адиагноз 171-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп 91 – ҩык апациентцәа, 38-ҩык ргәабзиара аҭагылазаашьа акыр иуадаҩуп, 46 -ҩык апациентцәа рҭагылазаашьа бжьаратәуп.

Аҟәатәи аинфекциатә хәышәтәырҭа аҿы ишьҭоуп 41-ҩык апациентцәа, 12-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 19-ҩык, Гагратәи араионтә хәышәтәырҭа Хада аҿы – 32, 4-ҩык, ргәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 15  - ҩык апациентцәа. Аҟәа ақалақь аҿы аус зуа Урыстәылатәи арратә хәышәтәырҭа аҿы ишьҭоуп 95 -ҩык апациентцәа, урҭ рахьынтә  12–ҩык ргәабзиара аҭагылазаашьа акыр иуадаҩуп.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me